8-Mars 2020 : Occitan
EN OCCITAN
a le sosteng d'
Sent Lis, a las pòrtas de Tolosa, sabèc gardar la siva identitat occitana. Recebèrem le sosteng d'Occitanie – País Nòstre qu’es donat a las listas que prenguen en compte la lenga e cultura occitanas. Seram les sols a Sent Lis a l’obténguer. Aquera pagina en occitan es le signe d’aquera presa en compte peu nòste futur maire, Nicolau Rei Bèthvéder.
Sent Lis, país de Minjacebas de Catinou e Jacouti, es pregondament mercat per la lenga occitana, qu’es aicí de gascon tolosan. Tots les toponimes de la comuna s’explican per la lenga mondina. D’aulhors, pendent le prumèr mandat de Patric Lasseube ambe l’ajuda de Nicolau Rei Bèthvéder, se lancèc la prumèra seccion bilingua francés – occitan de Hauta-Garona. Dempèi 2002, mès de 150 pichons sentlisians profièitan d’un ensenhament bilingüe francés - occitan. I a tanben noms de carrèra en occitan.
Dempèi 2008, la tematica occitana avancèc pas.
Ara ambe le nòste candidat Nicolau Rei Bèthvéder, d’Euròpa Ecologia – Les Verds, volèm avançar. Patric Lasseube, ancian maire, hè partida de la nòsta lista e es le referent Occitanie – País Nòste !
La lista Imagina Sent Lis es sostenguda per :
Mos engatjam sus las prepausicions concrètas :
LA COMUNA : UN PATRIMÒNI LINGÜISTIC OCCITAN
-Sosteng de las classas bilinguas francés – occitan en creant una segonda escòla bilingua a l'escòla Tabarly. La comuna devengueriá atau la prumèra vila de mès de 10 000 abitants ambe totas las sivas escòlas bilinguas FR/ÒC
-Ajuda aus espectacles dins la lenga occitana ambe una atencion pedagogica permanenta.
-Sosteng a la demanda de l'associacion Paren'Òc de la continuitat de l'occitan au licèu de Fontsòrbas.
-Preséncia publica de la lenga occitana a las carrèras, suu siti web de la comuna. Mesa en valor de la toponimia sentlisiana.
-Concertacion ambe las autas collectivitats localas de l’espaci occitan.
LA COMUNA : UN LÒC DE VIDA
-Sarrar les abitants deu lor trabalh. Desvolopament responsable e ecologic deus barris naus.
-Facilitar las activitats associativas localas que crèan ligams sociaus e en particular les escambis intergeneracionaus.
-Accentuar las incitacions au mescladís sociau.
LA COMUNA : UN ESPACI
-Reglar l’urbanisme destructor d’espaci, coma le projècte grandàs deu Capbossèr.
-Preservar e hèr créisher la via verda - Bernat Tarrida de Sent Lis.
-Intermodalitat deus transpòrts en perméter un melhor accès a Tolosa. Incitacion a utilizar la bicicleta e a caminar en tot creant camins endeus pedanhs e ciclistas en particular sus las rotas de La Masquèra e de Sent Clar de Ribèra.
LA COMUNA : UN LÒC DE DECISION
-Introdusir critèris de durabilitat, d’energia, de sobrietat dins les aperets d’aufèrtas endeus mercats publics.
-Anar ambe Murèth Aglo cap a la reduccion de las dèishas e de desvolopar les transpòrts en comun.
LA COMUNA : UN IMATGE
-Refús de pagar a prètz d’òr « comunicants » exteriors. Valorizar las iniciativas localas soent mens costosas.
-Espandiment de las placas en occitan de las carrèras ende un usatge toristic o endeus camins de randolejada.
