Label Bastir ! (occitan)
OCCITAN
L’Alternativa ende Sent Lis
a le labèl
Sent Lis, a las pòrtas de Tolosa, se sabèc gardar la siva identitat occitana. Mos inscrivèm dins le labèl Bastir ! qu’es donat a las listas que prenguen en compte la lenga e cultura occitanas. Seram les sols a Sent Lis a l’obténguer. Aquera pagina en occitan es le signe d’aquera presa en compte per la nòsta futura maira, Catherine Renaux.
Sent Lis, país de Minjacebas de Catinou e Jacouti, es pregondament mercat per la lenga occitana, qu’es aicí de gascon tolosan. Tots les toponimes de la comuna s’explican per la lenga mondina. D’aulhors, pendent le prumèr mandat de Patric Lasseube ambe l’ajuda de Nicolau Rei Bèthvéder, se lancèc la prumèra seccion bilingua francés – occitan de Hauta-Garona. Dempèi 2002, mès de 150 pichons sentlisians profièitan d’un ensenhament bilingüe francés - occitan. I a tanben noms de carrèra en occitan.
Ambe l’eleccion de Jacques Tène deu PS, en 2008, la tematica occitana avancèc pas.
Ara ambe la nòsta candidata Catherine Renaux, d’Euròpa Ecologia – Les Verds e que participèc en març de 2012 a la manifestacion occitana de Tolosa, volèm avançar.
Patric Lasseube, ancian maire, hè partida de la nòsta lista e es le referent Bastir !
La lista L’Alternativa ende Sent Lis es sostenguda peu :
MoDem – Movement Democrata de François Bayrou
Euròpa Ecologia – Les Verds
Mos engatjam sus las prepausicions deu labèl Bastir ! es a díser :
LA COMUNA : UN PATRIMÒNI LINGÜISTIC OCCITAN
-Sosteng de las classas bilinguas francés – occitan en ensajant d’assegurar un melhor accès deus escolans aus buses d’amassatge.
-Ajuda aus espectacles dins la lenga occitana ambe una atencion pedagogica permanenta.
-Preséncia publica de la lenga occitana a las carrèras, suu siti oèb de la comuna. Mesa en valor de la toponimia sentlisiana.
-Concertacion ambe las autas collectivitats locaus de l’espaci occitan.
LA COMUNA : UN LÒC DE VIDA
-Sarrar les abitants deu lor trabalh. Desvolòpament responsable e ecologic deus barris naus.
-Facilitar las activitats associativas localas que crèan ligams sociaus e en particular les escambis intergeneracionaus.
-Accentuar las incitacions au mescladís sociau
LA COMUNA : UN ESPACI
-Reglar l’urbanisme destructor d’espaci, coma le projècte grandàs deu Capbossèr.
-Preservar e hèr créisher la via verda de Sent Lis.
-Intermodalitat deus transpòrts en perméter un melhor accès a Tolosa. Incitacion a utilizar la bicicleta e a caminar.
LA COMUNA : UN LÒC DE DECISION
-Introdusir critèris de durabilitat, d’energia, de sobrietat dins les aperets d’aufèrtas endeus mercats publics.
-Anar ambe la C.A.M. cap a la reduccion de las dèishas
LA COMUNA : UN IMATGE
-Refús de pagar a prètz d’aur « comunicants » exteriors. Valorizar las iniciativas localas soent mens costosas.
